रामविश्वास मुखिया
रौतहट ।। श्री मा वि ब्रह्मपुरीमा सर्वसहमतबाट बिधालय व्यवस्थापन समिति गठन भएको छ् । देशको अधिकांश विद्यालयमा विद्यालय व्यवस्थापन समिति गठनकाे लागि चुनावी प्रक्रिया माध्यम बनिरहेको अवस्थामा राैतहटकाे एक विद्यालयमा सर्वसहमतरूपमा व्यवस्थापन समिति गठन भएकाे हाे । विद्यालयकाे सञ्चालन , रेखदेख र व्यवस्थापनमा विशुद्ध भुमिका रहेकाे व्यवस्थापन समिति गठन गरिने क्रममा धेरै विद्यालयमा चुनावी प्रक्रियाले व्यापकता पाइरहँदा राैतहटकाे राजदेवी नगरपालिका वडा नम्बर ९ मा रहेकाे श्री मा वि ब्रह्मपुरीमा सर्वसहमतरूपमा समिति गठन भएकाे हाे । विद्यालयमा आज उपस्थित अभिभावक भेलाले सर्वसहमत समिति गठन गरेका हुन् ।

करिव २ सय ५० जना अभिभावककाे उपस्थिति रहेकाे भेलाले स्थानीय अभिभावक विनाेद वर्मा, शिवसागर राउत, रिना सिंह र पुष्पा दासलाई सर्वसहमत रूपमा चयन गरेकाे विद्यालयका प्रधानाध्यापक दिपेन्द्र प्रसाद श्रीवास्तवले जानकारी दिनु भयाे ।
भेलालाई सम्बाेधन गर्दै राजदेवी नगरपालिकाकी पूर्व नगर उपप्रमुख अंशु कुमारी सिंहले अधिकांश विद्यालयमा समिति गठनमा विवाद हुनु, झपडकाे अवस्था आउनु तथा चुनावै गराउनु पर्ने अवस्था आइरहेको बेला यस विद्यालयमा भएकाे सर्वसहमत समिति चयन
आफैंमा स्वागतयोग्य, उदाहरणीय तथा नमुना कार्य रहेकाे बताउनु भयाे ।

कार्यक्रममा राजदेवी नगरपालिका काे शिक्षा संयाेजक विजय कुमार सिंह, वडाअध्यक्ष महेन्द्र दास, स्थानीय समाजसेवी नवीन कुमार सिंह, पूर्व प्रधानाध्यापक मदन सिंह लगायत अभिभावकहरूकाे उपस्थिति रहेकाे विद्यालय श्राेतले जानकारी दिएका हुन् ।

सुवाश मंडल
बलरा सर्लाही ।। सर्लाहीको बलरा नगरपालिकामा प्रमुख प्रशासकीय अधिकृतको रुपमा सुशिल कुमार साह पुनः एक पटक हाजिर हुनुभएको छ् । आइतबार एक विशेष कार्यक्रम बीच प्रमुख प्रशासकीय अधिकृत साह औपचारिक रूपमा हाजिर हुनु भएको छ ।

नगरपालिकामा आयोजित कार्यक्रममा नगर प्रमुख रामाशंकर प्रसाद कुशवाहाले नयाँ प्रशासकीय अधिकृतको रूपमा एक पटक पुनः स्वागत गर्दै नगरपालिकाको प्रशासनिक सेवामा नयाँ ऊर्जा, पारदर्शिता र कार्यदक्षता थपिने आशा व्यक्त गरेको छ् ।

प्रमुख प्रशासकीय अधिकृत साहले बलरामा यो भन्दा पहिला पनि पौने दुई वर्ष आफ्नो सेवा प्रवाह गरेकोले काम गर्न सहज हुने बताउनु भयो । अधिकृत साहको पहिलाको काम काज,काम प्रति इमानदारिता र पालिकाको कामलाई सहज, द्रुत,जनमुखी बनाउने तथा स्थानीय विकास, सुशासन लगायत नागरिकको समस्या समाधानमा प्राथमिकता दिएको हेर्दै नगर प्रमुख कुशवाहाले फेरि एक पटक दोस्रो कार्यकालको लागि अधिकृत साहलाई खाडा माला र टीका लगाई हाजिर गराउनु भएको छ् ।

उक्त स्वागत कार्यक्रममा नगरपालिकाको जनप्रतिनिधि , कर्मचारी, तथा स्थानीय अगुवाहरूको उपस्थिति रहेको थियो ।

सुवाश मंडल
रौतहट ।। राैतहटकाे राजदेवी नगरपालिका अन्तर्गत रहेकाे एक विद्यालयकाे प्रधानाध्यापकले विद्यार्थीकाे शैक्षिक प्रगतिका लागि आफ्नाे निजी लगानीमा अतिरिक्त कक्षा सञ्चालन गर्दै आइरहेका छन् । श्री माध्यमिक विद्यालय ब्रह्मपुरीकाे प्रधानाध्यापक दिपेन्द्र प्रसाद श्रीवास्तवले आफ्नाे निजी लगानीमा अतिरिक्त कक्षा सञ्चालन गर्दै आइरहनु भएकाे हाे ।
मा वि ब्रह्मपुरीकाे कक्षा १० मा अध्ययन गर्ने विद्यार्थीहरूका लागि प्रधानाध्यापक श्रीवास्तवले विगत २ शैक्षिक सत्रदेखि आफ्नाे निजी लगानीमा अतिरिक्त कक्षा सञ्चालन गर्दै आइरहनु भएकाे हाे ।
विगतमा विद्यालयकाे SEE नतिजा अलि कमजाेर आएपछि SEE काे नतिजामा सुधार ल्याउने उद्देश्यले वहाँले साे कदम चालनु भएको हाे । आफूले अतिरिक्त कक्षा सञ्चालन गर्न थालेपछि पछिल्लो शैक्षिकसत्र २०८१ काे SEE काे नतिजामा उल्लेख्य सुधार भएकाे भन्दै वहाँले साे कक्षालाई यस वर्ष पनि निरन्तरता दिन लागेकाे बताउनु भयाे। यस विद्यालय चाैतर्फी विकासमा अहाेरात्र लाग्दै आउनु भएकाे प्रधानाध्यापक श्रीवास्तवकाे यस कार्यलाई अभिभावकहरूले सराहनीय कार्य भनेका हुन् । DIPENDRA SARITA SRIVASTAV CREATIVE LEARNING काे माध्यमले वहाले साे कक्षा सञ्चालन गर्दै आइरहनु भएकाे हाे । आफु यस विद्यालयमा कार्यरत रहुञ्जेल तथा सेवा निवृत्त भए पछि पनि आफ्नै लगानीमा अतिरिक्त कक्षालाई निरन्तरता दिइरहने वहाँले वताउनु भयाे । मा वि ब्रह्मपुरीका विद्यार्थीका लागि प्रधानाध्यापक श्रीवास्तवकाे आफ्नै लगानीमा अतिरिक्त कक्षा सञ्चालन गर्नुलाई शैक्षिक प्रगतिमा वहाँकाे दिर्घ साेच र पूर्ण तत्परतालाई उजागर गरेकाे हाे ।

सुवाश मंडल
राजदेवी रौतहट ।। श्री सेढवा युवा क्लबद्वारा १२५ वटा पीडित घरपरिवारलाई राहत वितरण गरिएको छ् । रौतहटको राजदेवी नगरपालिका वार्ड नं.६ सेढवाको युवाहरूले आफ्नो ब्याक्तीगत लगानीमा सेढवाको १२५ वटा पीडित घरपरिवारलाई राहत स्वरूप खाद्यान्न सामाग्री वितरण गरिएको छ् । युवाहरुको भनाइ अनुसार बिपतको घडीमा पीडित परिवारलाई कुनै पनि जनप्रतिनिधि हेर्न समेत न आएको कारण युवाहरुले यो कदम चालेको भनिएको छ् ।

युवाहरुले पीडित परिवारको घरघरमा पुगि उचित मुल्यांकन गरि वास्तविक पीडित परिवारलाई राहत दिएको युवा सतिश यादवले जनाएको छ् । युवा यादवको अनुसार बिपतको घडीमा तत्काल राहत दिएको र पीडित परिवारलाई आगामी दिनमा पनि संबंधित निकाय सम्म पहल गरि राहत दिलाउने काम हाम्रो सेढवा युवा क्लबले गर्ने छ् ।

यस्ता यस्ता युवा क्लबहरु हरेक गाउँमा हुनुपर्छ,किनभने अहिले पीडितहरुको नाममा पनि लाखौं बराबरको घोटाला गर्ने केहि ब्याक्तीहरु छन् हाम्रो समाजमा । तर यस्तो युवाहरु एकबढ भइ इमानदारीपूर्वक काम गरेभन्ने हाम्रो समाज अगाडि बढ छ् र हाम्रो समाजबाट विपन्न र पीडितको नाममा लाखौं लुट्ने ब्याक्तीको संख्या कम हुन्छ । राहत वितरण कार्यक्रम युवा बिरेन्द्र ठाकुर,युवा रामबाबु यादव,युवा रौशन यादव,युवा सतिश यादव,युवा श्याम बाबू यादव,युवा गौतम सिंह,युवा सन्तोष यादव,युवा रजनिश पटेल,युवा मुन्जेश यादव र युक्ति अरचना रामको टोलि राहत वितरण गरेको छ् ।

सुवाश मंडल
बलरा सर्लाही ।। संकट परेको बेला मात्र स्थानीय सरकार अगाडि आएको देखिन्छ । प्रदेश र संघ सरकार निर्वाचन भएको देखि अहिलेसम्म सम्म बलरा नगरपालिका तिर एक चोटि पनि न आएको अबगतनै छ् । तर हामी मौन बसछौ एक चोटि पनि कसैले अवाज उठाएको देखिदैन । के निरीक्षण र राहत दिलाउन सहयोग गर्ने काम मात्र स्थानीय सरकारको होर ?

बिगत वर्षमा सर्लाही क्षेत्र नं.४ ( ख ) को प्रदेश सभा सदस्य फकिरा महतो ज्युलाई सम्पर्क गरेपनि विपतको घडीमा आएन र प्रतिनिधि सभा सदस्य डा.अमरेश सिंहलाई सम्पर्कमा आएको थिएन । माननीय डा.अमरेश सिंहज्युलाई भन्न् चाहन छु कि हजुर मात्र संसद भवनमा अवाज उठाउने कि क्षेत्रको जनता कुन अवस्थामा छन त्यो पनि हेर्ने हो ।

स्थानीय सरकारले सकेसम्म विगतमा पनि नगरवासीलाई सहयोग गरे र अहिले पनि सकेसम्म गरिरहेको सबैलाई ठाहै छ् । कसैको राहतमा ढिला हुन् सकिन्छ तर सकेसम्म सबैलाई सहयोग गर्छ भन्ने नगर् प्रमुख रामाशंकर प्रसाद कुशवाहा सम्पर्कमा आएर बताउनु भयो । केही ब्याक्ती गलत भएमा स्थानीय सरकार गलत हुदैन हामीलाई थाहा छ् ।

बलरा नगरपालिका भित्र जुन वास्तविक पीडितमा हुनु हुन्छ त्यस्तो ब्याक्ती नगर प्रमुख रामाशंकर कुशवाहालाई सम्पर्क गर्न सकनु हुन्छ । भएन भन्ने अवस्था कस्तो छ् हेराउनको लागि म लाई सम्पर्क गर्न सक्नुहुन्छ सकेसम्म सहयोग अवश्य मिल्ने छ् । तर प्रदेश र संघको जनप्रतिनिधिहरुलाई पनि ध्यानाकर्षण हुन् जरुरी देखिन्छ । अहिले जुन संकट आएको छ् त्यो घडीमा जुनसुकै निकाय सहयोग गरेपनि कमै हुन्छ । तर घाउमा मलहमको काम अवश्य नै हुनेछ ।

जितेन्द्र कुशवाहा
बागमती सर्लाही ।। सर्लाहीको बागमती नगरपालिका-१२ कर्मैया बजार स्थित काल्साङ छ्योई खोर्लिङ गुम्बामा अशोज १२ गते देखि १५ गते सम्म बौद्ध धर्मावलम्बीहरुले ञ्युङ्ने ब्रत सुरु गरेका छन् ।

काल्साङ छ्योई खोर्लिङ गुम्बा र मणिपा आमा समूह बागमतीको संयुक्त आयोजनामा हिजो बाट सुरु भएको ञ्युङ्ने व्रत कार्यक्रममा गुरुहरुबाट ब्रतको उद्देश्य र औचित्यका बारेमा प्रवचन भएको थियो भने आज देखि लगातार तीन दिन मौन ब्रत बसिने काल्साङ छ्योई खोर्लिङ गुम्बाका अध्यक्ष पाल्देन दोर्जे लामाले जानकारी दिए । लामाले सर्लाही लगायत बिभिन्न जिल्ला काभ्रेपलान्चोक,सिन्धुपाल्चोक,रामेछाप,सिन्धुली,
मकवानपुर,रौतहट,
महोत्तरी,सिराहा,लगायतका जिल्लाहरु बाट ब्रत बस्नका लागी सयौं संख्यामा श्रद्धालु भक्तजनहरु र करिब २५ देखि ३० जनाको संख्यामा लामा गुरुहरुको बाक्लो उपस्थिति रहेको बताए ।

दशैंमा देवी देवतालाई भोग चढाउनका लागि भनेर धेरै काटमार गर्ने गरिन्छ । यी सबै जीवजन्तुहरुको मुक्तीको कामनासहित बौद्ध धर्मालम्बीहरु तीन दिनसम्म मौन ब्रत (ञ्युङने ब्रत) बस्ने प्रचलन रहेको गुम्बाका अध्यक्ष पाल्देन दोर्जे लामाले जानकारी दिए ।

मौन ब्रत बसेका बेला लामा गुरुहरुबाट प्रवचन हुने गर्दछ । जसका लागि ल्होसुम लामाहरु लामा साङडुप दोर्जे लोपेन,लामा कर्म,लामा साम्तेन राबगे,लामा सेरब दोर्जे,लामा सेरबको नेतृत्वमा प्रवचन, आयु अभिषेक तथा बौद्ध धर्मको मुख्य ग्रन्थहरुको व्याख्या गरिने कार्यक्रम रहेको गुम्बा सचिव चन्द्र बहादुर जिम्बाले जानकारी दिए ।

अहिंसा र शान्तिको प्रतिक भगवान बुद्धका अनुयायीहरुले” बिभिन्न धर्म, संस्कार, चाड पर्वमा देव देवीको नाममा लाखौं निर्दोस पशुपंछिहरुको बली चढाइएकाहरुको आत्माको शान्तीको कामना गर्दै यस ब्रत बस्ने गर्दछन्। ञ्युङने व्रत कार्यक्रम १५ गते वाङ अभिशेक संगै समापन हुनेछ।

सुवाश मंडल
सर्लाही ।। सर्लाहीको बरहथवा नगरपालिका–८, टाडीमा समाचार संकलनको क्रममा उज्यालो पहरा मिडियाका संचालक तथा पत्रकार जितेन्द्र कुशवाहालाई इलाका प्रहरी कार्यालय बरहथवाका असई राजेश प्रसाद यादवले धम्की दिएका छन्।
असाेज ११ गते दिउँसो करिब ३ बजे पत्रकार कुशवाहाले प्रहरी चढेको मोटरसाइकलमा अगाडिको नम्बर प्लेट नभएको देखेपछि फोटो खिचेका थिए। सोही क्रममा असई यादव र साथमा रहेका प्रहरी जवानले फोटो डिलिट गर्न दबाब दिँदै धम्की दिएका थिए। घटनाको क्रममा मोबाइल फोन खोस्ने प्रयास समेत भएको तर स्थानीयवासीहरू भेला भएपछि शारीरिक आक्रमण हुन नसकेको पीडित पत्रकार कुशवाहाले बताए।
पत्रकार कुशवाहाका अनुसार असई यादवले “तँ जस्तो धेरै पत्रकार छन्, जो मसँग काम गर्छन्। तँ फोटो खिचेर के गर्न सक्छस्? कसलाई सोधेर खिचिस?” जस्ता आक्रमणात्मक शब्द प्रयोग गर्दै धम्की दिएका थिए। साथै, “फोटो खिच्ने सौख छ भने गएर पालिकासँग गाडी मागिदे, त्यसपछि फोटो खिच” भन्दै सार्वजनिक अपमान गरेको समेत आरोप छ।

कुशवाहाले भने, “कानुनको रक्षक नै भक्षक बनेपछि आम नागरिकले के सिक्छ? के कानुन सर्वसाधारणका लागि मात्र हो? प्रहरीको वर्दी लगाएको मान्छेले जे पनि गर्न पाउने हो?” भन्दै गम्भीर प्रश्न उठाएका छन्। उनका अनुसार, बरहथवामा रहेको ट्राफिक प्रहरीले साधारण नागरिकलाई मात्र नियम देखाउने तर प्रहरी स्वयंले उल्लंघन गर्ने गरेको देखिदैन्।
यस घटनाप्रति पत्रकार कुशवाहाले पत्रकारिता पेशा र अभिव्यक्ति स्वतन्त्रतामाथि ठूलो धक्का पुगेको बताएका छन्। साथै, उनले पत्रकार महासंघ सर्लाही शाखालाई पत्रकारको पेशागत सुरक्षा, स्वतन्त्रता र अधिकार सुनिश्चित गर्न आवश्यक पहल गर्न आग्रह गरेका छन्।

सुवाश मंडल
भारत ।। लद्दाखलाई पूर्ण राज्यको दर्जा दिन मागसहित नेपालकै शैलीमा प्रदर्शन हुन थालेको छ । लद्दाखको लेहमा विद्यार्थीको प्रदर्शन उग्र भएको हो।
केन्द्रशासित प्रदेश लद्दाखलाई पूर्ण राज्यको दर्जा दिनुपर्ने माग गर्दै बुधबार लेहमा हिंसात्मक प्रदर्शन भएको हो।

विद्यार्थीहरू प्रहरी र सुरक्षा निकायसँग झडपमा उत्रिएका छन् । प्रदर्शनकारीहरूले भारतीय जनता पार्टीको कार्यालयमा आगजनी गरेका छन्। प्रहरीमाथि ढुंगामुढापछि सीआरपीएफको गाडीसमेत जलाइएको छ।
यी विद्यार्थीहरू सामाजिक अभियन्ता सोनम वाङ्चुकको समर्थनमा आन्दोलनमा उत्रिएका हुन्। वाङ्चुक १५ दिनदेखि आमरण अनशनमा छन्। माग पूरा नगरेको विरोधमा प्रदर्शनकारीहरूले बन्दको आह्वान गरेका थिए। वाङ्चुकको समर्थनमा र्‍यालीसमेत निकालियो।

यस विषयमा अर्को बैठक ६ अक्टोबरमा दिल्लीमा हुने तय भएको छ। सन् २०१९ मा संविधानको धारा ३७० र ३५(ए) हटाउँदा जम्मु–कश्मीर र लद्दाखलाई छुट्टाछुट्टै केन्द्रशासित प्रदेश बनाइएको थियो। त्यतिबेला सरकारको तर्फबाट परिस्थिति सामान्य भएपछि पूर्ण राज्यको दर्जा दिने वाचा गरिएको थियो।
धारा ३७० खारेजीपछि विरोध
केन्द्र सरकारले २०१९ अगस्ट ५ मा जम्मु–कश्मीरको विशेषाधिकार दिने धारा ३७० खारेज गर्दै पूर्ण राज्यको दर्जा खोसिएको थियो। त्यसपछि जम्मु–कश्मीर छुट्टै केंद्रशासित प्रदेश बन्यो भने लेह र कारगिललाई मिलाएर लद्दाख अर्को केन्द्रशासित प्रदेश बनाइयो।
यसपछि लेह र कारगिलका बासिन्दाले आफूलाई राजनीतिक रूपमा अधिकारविहीन गरिएको महसुस गरे। उनीहरूले केन्द्रको विरोधमा आवाज उठाए।पछिल्ला दुई वर्षमा बारम्बार आन्दोलन गर्दै पूर्ण राज्यको दर्जा र संवैधानिक सुरक्षा माग गर्दै आएका छन् । जसले उनीहरूको जमीन, रोजगारी र पहिचानलाई जोगाइरहेको थियो, जुन धारा ३७० अन्तर्गत मिल्थ्यो।
भारतीय गृहमन्त्री अमित शाहले २०२४ अगस्ट २६ मा लद्दाखमा पाँच नयाँ जिल्ला बनाइने घोषणा गरेका थिए। नयाँ जिल्लाहरू जोस्कार, द्रास, शाम, नुब्रा र चाङथाङ हुनेछन्। यसअघि लद्दाखमा केवल दुई जिल्ला मात्र थिए — लेह र कारगिल। अब जिल्लाको संख्या बढेर ७ हुनेछ।

सर्लाही बरहथवा ।। सर्लाहीको बरहथवा नगरपालिका–६ मा भाद्र २३ र २४ गते भएको जेन–जीको आन्दोलनका क्रममा बरहथवा नगरपालिका, वडा कार्यालयमा आगजनी हुँदा कम्प्युटर, ल्यापटप, प्रिन्टर, दराज, फाइल, कुर्सी, पंखा, सोफा, कुलर, इन्भर्टर, ब्याट्रीलगायतका सम्पूर्ण सामग्री जलेर नष्ट भएपछि वडा कार्यालयका सबै सेवाहरू ठप्प भएका थियो।

आज स्थानीय बासिन्दाको सहयोगमा वडा कार्यालय परिसरमा सरसफाइ गरी पुनः सेवाहरु सुचारु गरिएको हो। वडा कार्यालय सञ्चालनका लागि आवश्यक सामग्रीहरू — ल्यापटप, प्रिन्टर, कुर्सी, पंखा लगायतका सामग्री वडा बासिन्दाले सहयोग गरेका छन्।

वडा वासीहरूको सहयोग र सक्रियताले कार्यालय पुन सञ्चालनमा आएको भन्दै वडा अध्यक्ष अफताब आलम (मिस्टर) ले सम्पूर्ण वडा बासी, भद्रभलाद्मी, सामाजिक अगुवा तथा सहयोगीहरूलाई धन्यवाद व्यक्त गर्नुभयो।

हाल पुरानै स्थानबाट सेवा प्रवाह सुरु गरिएको भए पनि सुरक्षित स्थानको आवश्यकता भएकाले नयाँ स्थानमा वडा कार्यालय भवन व्यवस्थाको प्रक्रिया अघि बढाइएको वडा अध्यक्ष आलमले जानकारी दिनुभयो। नयाँ भवन व्यवस्था नभएसम्म सेवा पुरानै भवनबाट निरन्तर सञ्चालन गरिने उनले बताउनुभयो।

सुवाश मंडल
सर्लाही ।। सर्लाहीको बलरा नगरपालिकामा ई.प्र.का. थप्दा चारैतिर बिरोध र आलोचना सुरु भएको छ् । देशभरका २३ वटा जिल्लामा ईलाका प्रशासन कार्यालय थप गर्न निर्णय गर्दा सर्लाहीको बलरा नगरपालिकामा पनि पर्न सफल भएको छ् । यो ईलाका प्रशासन कार्यालयमा ५ वटा स्थानीयलाई समेटिएकोमा अहिले चारैतिर आलोचना र बिरोध प्रदर्शन हुन् सुरु भएको छ् ।

जिल्ला प्रशासन कार्यालय मलंगवा सर्लाही अगाडि सोमबार गोडैता नगरपालिका,धन्कौल गाउँपालिका र विष्णु गाउँपालिकाले बलरामा प्रशासन कार्यालय न व्यवस्थापन भइ गोडैता बजारमा व्यवस्थापन होस् भनेर तिनै स्थानीय तहका जनताहरुले संयुक्त रूपमा बिरोध प्रदर्शन गरेका छन् । बिरोध प्रदर्शनलाई बलरा नगरपालिकाको नगर प्रमुख रामाशंकर प्रसाद कुशावाले आफ्नो फेसबुक मार्फत आपत्ति जनाएको छ् । कुशवाहाले लेखेको छ्, “इलाका प्रशासन कार्यालय, बलरा” भन्नाले बलरा नगरपालिका सीमा क्षेत्र भित्र स्थापना हुने कार्यालय हो । बलरालाई साविकको बलरासँग मात्र परिभाषित गर्नु गलत हुन जान्छ । यसले परिवर्तित हालको ११ वटा वडा सहितलाई सम्बोधित गर्दछ। यो नै यथार्थ हो, स्पष्ट छ ।

तसर्थ “इलाका प्रशासन कार्यालय, बलरा”लाई सम्बन्धित सबै स्थानीय तहहरुलाई पायक पर्ने बलरा नगरपालिका कै सीमा क्षेत्र अन्तर्गतका अन्य स्थानमा “कार्यालय” स्थापना गर्नु पर्ने विषयमा छलफल गर्ने उपयुक्त र सर्वमान्य विकल्प हुदाँ हुँदै उक्त विकल्पमा छलफल नै नगरी बलरा नगरपालिका कै विकल्प खोजिनु कति बलराबासीसँग न्यायोचित हुन्छ ?

यसकारण, इलाका प्रशासन कार्यालय, बलराका सेवा क्षेत्रमा पर्ने बलरा नगरपालिका, रामनगर गाउँपालिका, धनकौल गाउँपालिका, गोडैता नगरपालिका र विष्णु गाउँपालिकाको स्थानीय तहका प्रमुखज्यूहरू, यस क्षेत्रका प्रतिनिधि सभा सदस्यज्यूहरू, प्रदेश सभा सदस्यज्यूहरू, समाजसेवी, बुद्धिजीवीका अगुवा लगायतका व्यक्तित्वहरू एउटै टेबुलमा बसी बलरा नगरपालिका कार्य क्षेत्र मै कार्यालय स्थापनाको लागि उपयुक्त स्थान चयन गर्नु उत्तम विकल्प हुनेछ ? यी र यस्ता सर्वमान्य विकल्पमा नगई जिल्लाको सदरमुकाम मलंगवाबाट सबभन्दा टाढा र विकासमा पछाडि पारिएको बलराबासीलाई पुन: एकपटक पछाडी धकेलिने प्रयास हुनुले नेतृत्व वर्गको कमजोर पक्षलाई पुनः एकपटक उजागर गरेको छ । “बलराको सट्टा गोडैता” सर्वमान्य र उपयुक्त विकल्प हुन सक्छ भन्ने लाग्दैन । तसर्थ, बलरा मै उपयुक्त स्थानको खोजी गरि कार्यालय स्थापना गरौं भन्ने कुशवाहाले आफ्नो फेसबुकमा लेखिएको छ् ।